Etter julegateopninga samlast vi til julepub og konsert med bygdas favorittkor, Korehuset, på Balestrand Hotell.
Korehuset blei starta våren 2024 og tel over 20 songglade sjeler som øver jamleg på hotellet. Julekonserten deira i fjor blei ein stor suksess med fullt hus og fantastisk stemning. Denne kvelden byr dei på eit variert program – og verdspremiere på låta «Jul i Balestrand», forfatta av Magnus Kaiser.