Ei heit oppleving ved fjorden
- velkomen til saunaen vår!
Vi har kalla oss badehotell sidan vi tok over hotellet i 2022. Litt på tull, men mest på alvor. Badedyra, utsikta, stranda og badekåpene har vore på plass lenge – og no har vi òg badstove!
Saunaen står ute på plenen framfor hotellet, heilt ute på piren, med stort vindauge mot fjorden vi aldri blir lei av.
Hotellgjester låner badekåpe gratis, andre kan leige i resepsjonen.
Vi har parkering ved hotellet. Er det fullt, finn du plass ved gamle kommunehuset, to minutt unna. Kjem du med ekspressbåt eller buss, ser du badstova frå fjorden; det er berre fem minutt å gå frå kaia.
Medbrakt drikke er lov, men vi ber deg styre unna fargesterke ting som raudvin.
Du kan leige heile saunaen eller kome på drop-in viss du har medlemskap. Her er det plass til opp til 9 personar samstundes.
Det er berre å hoppe i det!
