Klubbstyret i Balestrand Ungdomsklubb og Ungdomsavdelinga er stolte av å kunne invitere til ungdomskonsert med Kjartan Lauritzen!

Konserten finn stad i Kviknessalen på Kviknes Hotel, og er forbeholdt aldersgruppa 13-19 år (frå året du fyller 13 til året du fyller 19). Ungdom under 15 år må oppgje kontaktinfo til,- og ha løyve frå foreldre for kunne å melde seg på. 

Gratis busstransport blir sett opp frå Kaupanger, Sogndal og Leikanger, men må bestillast separat: https://www.letsreg.com/no/event/balebussen. Det blir også returbuss frå Balestrand til Fjærland etter konserten. 

Det blir enkel kiosk på hotellet, og høve til å kjøpe seg noko å ete både før og etter konserten. 

Kl. 18:30: Dørene opnar

Kl. 20:00: Konsertstart

Kl. 22:30: Avreise buss (ventar ikkje på etternølarar - møt presis!)

Arrangementet er rusfritt - rusa personar vert viste vekk.

Legitimasjon må framvisast i døra, og eldre/yngre enn målgruppa vert nekta adgang (bilettane vert ikkje refunderte).

Ungdomsavdelinga har ansvar for konsertlokalet/gjennomføring  av konserten, samt for felles busstransport til og frå arrangementet.

Ungdomen deltek elles på eige ansvar.